An Bhreatain Bheag Ceredigion

Tránna Llangrannog agus Cilborth

Tá cuimhní deasa ag go leor Breatnach ar dhul ar thurais scoile chuig sráidbhaile Llangrannog, go dtí an t-ionad gníomhaíochta atá á rith ag an Urdd (Eagraíocht Óige na Breataine Bige) ó 1932. Tá an-tóir ag teaghlaigh ar an trá Bhrataí Goirme seo a bhfuil gradaim Seaside Awards buaite aici, de bharr an iliomad áiseanna agus bialanna atá gar di, chomh maith leis na gardaí tarrthála a bhíonn ar dualgas sa samhradh. Díreach ó thuaidh ó thrá Llangrannog tá Cilborth, cuas cúlráideach, a bhfuil teacht air ó thrá Llangrannog ag lag trá nó ó chéimeanna aille ón gCosán Cósta. Tá carraig mhór a bhfuil cruth fiacaile uirthi, ar a dtugtar Carreg Bica, idir an dá thrá. Deirtear gur as béal fathaigh áitiúil a tháinig sí.