Tá loch álainn Llyn y Fan Fach ag an taobh thiar de Pháirc Náisiúnta Brecon Beacons. Luaitear an loch san fhinscéal ón 14ú haois, ‘Bean Uasal an Locha’. Sa scéal seo, pósann feirmeoir óg bean álainn a tháinig amach as an loch agus geallann sé nach mbuailfeadh sé í trí huaire. Ach bhuail (ní le teann feirge, áfach) agus dá bharr sin, d’fhill sí ar an loch. Tagann sí ar ais go sealadach chun oiliúint leighis a chur ar a clann mac, ar ar tugadh ‘Physicians of Myddfai’.
Tá an baile margaidh álainn Llandovery ag bun na gcnoc. Tá dealbh cruach dhosmálta 5 mhéadar ar airde de Llywelyn ap Gruffydd Fychan sa bhaile. ‘Braveheart na Breataine Bige’ a tugtar ar an bhfear seo a cuireadh chun bás anseo ag Henry IV as tacú le Owain Glyndŵr.