Is taiscumar 5,000-acra i mbunchnoic Shléibhte Chill Mhantáin atá i Locha Bhaile Coimín. Cruthaíodh iad os cionn 70 bliain ó shin nuair a tógadh damba agus stáisiún cumhachta hidrileictreach Poll an Phúca. Is é an foinse uisce óil do Bhaile Átha Cliath é agus is láthair a bhfuil an-tóir uirthi ina ndéantar gníomhaíochtaí uisce-bhunaithe amhail iascaireacht, bádóireacht agus cadhcáil. Is féidir Bealach Glas Bhaile Coimín a ghabháil de shiúl na gcos nó ar rothar, ar feadh 6.5km le taobh an locha agus isteach i gcoillearnach. Nó is féidir an bealach 26km a thiomáint timpeall an ghleanna áit ar tháinig Abhainn Rí agus an Life le chéile tráth. ‘Aistear chuig seoid Chill Mhantáin’ an cur síos a rinne Breandán Ó Beacháin, file agus úrscéalaí, ar an turas chun na háite seo.