Cé gur sráidbhaile cois trá é, tá coill 60 acra i mBaile na Cúirte a thugann foscadh ón trá in aice láimhe.
I rith na 1860idí agus 70idí, bhunaigh James Stopford, 5ú Iarla Bhaile na Cúirte, crannlann péine ar thailte Theach Bhaile na Cúirte. I measc na gcrann atá fanta óna bhailiúchán tá crónghiúis California, cufróg seascainn, céadar Seapánach, Céadar na Liobáine agus go leor péine, iúr agus fíor-chufróg. Breathnaigh amach do chrann iúir a cuireadh mar chuid den bhailiúchán agus a leagadh blianta ó shin, agus é fós ag fás le taobh Siúlóid na hAbhann.
Cuireadh dair agus fuinseog sa choillearnach i 1870, níos faide ón teach. Ba ghnáthrud é sin i gcoillearnach ar eastát Victeoiriach; chuirtí na buaircínigh andúchasacha agus na crónghiúisí níos gaire don teach áit a mbeadh radharc orthu, agus na daracha níos faide uaidh.
Tá 4 shiúlóid éasca shlímharcáilte ag lúbadh tríd an gcoillearnach, gach ceann díobh idir 1km agus 1.9km ar fhad.