Tá stair fhada ag Teach Solais Rinn Duáin ó thaobh mairnéalaigh a chosaint. Is é an teach solais is sine ar domhan atá fós i bhfeidhm agus é os cionn 800 bliana d’aois. Bhí rabhchán tine ann ón 6ú haois, faoi chúram manach. An ridire cumhachtach William Marshall a thóg an teach solais idir 1210 agus 1230 chun longa a threorú chuig a chalafort sa Ros. Rabhchán de thine guail a bhí sa chéad solas go dtí gur cuireadh lampa a dhó ola míol mór ina áit i 1791. Ansin cuireadh soilse gáis ina áit sin i 1871 agus aistríodh go dtí soilse leictreachais i 1972. Rinneadh teach solais iomlán uathoibrithe de agus d’fhág an coimeádaí tí solais deireanach i 1996.