Thart ar 10km ar an taobh ó thuaidh de Llandeilo, tá fothrach Mhainistir Talley le fáil i suíomh álainn in aice dhá loch Talley. An Tiarna Rhys – prionsa cumhachtach Breatnach – a bhunaigh í sna 1180idí i gcomhair mhanaigh ord na gcanónach Prémontré. Ba í an chéad mhainistir sa Bhreatain Bheag don ord sin í agus an ceann deiridh. Ar an drochuair, níor bhain sí amach riamh an saibhreas a bhí ag na mainistreacha Cistéirseacha a spreag í.
An ghné is suntasaí den mhainistir ná an túr, atá fós ina sheasamh, beagnach chomh hard agus a bhí sé nuair a tógadh é. Níor tugadh an séipéal chun críche riamh, cheal airgid, cé go bhfeictear a uaillmhianach is a bhí an dearadh i leagan amach na bunsraithe. Chuir Henry VIII deireadh léi sna 1530idí agus úsáideadh cuid mhór den chloch aisti chun an sráidbhaile agus an séipéal atá ann anois a thógáil.
Tá trí chonaire siúil in aice láimhe a théann go dtí ionad amhairc áit is féidir leat sult a bhaint as radharc mórthaibhseach ar an bhfothrach agus ar Ghleann Cothi.