An Bhreatain Bheag Ceredigion

Féile Ronnach Aberaeron

Ní mórán féilte ina mbíonn sochraid ag croílár an cheiliúrtha – gan trácht ar shochraid éisc papier-mâché 20 troigh ar fhad. Ach is mar sin a chuireann muintir bhaile cuain gleoite Aberaeron clabhsúr ar shéasúr na ronnach ag deireadh Lúnasa gach bliain. Is mar sin a léiríonn siad buíochas as an bhflúirse ronnach a thagann gach samhradh, a sholáthraíonn bia agus ioncam agus a thugann ar na deilfeanna filleadh ar Cardigan Bay.

Mar seo a leanas a leagtar amach an lá. Buaileann an cortège – bréagshamhail ollmhór de ronnach, á hiompar ag seisear – le chéile taobh amuigh den óstán The Harbourmaster. Tugtar cuireadh do lucht na sochraide an cortège a leanúint tríd an mbaile go dtí Club Luamhaireachta Aberaeron, áit a bheannaíonn an tUrramach áitiúil é. Bíonn tórramh ina dhiaidh sin (beárbaiciú, ceol beo agus beár lán) agus beirtear an ronnach chuig an trá ag luí na gréine chun é a chréamadh.